طاري صباح النور,,

على طاري / صباح النور .. وش معناة / باح النور ؟
إذا جاوبتهـا .. خذنـي .. هديـة مـنـي وتـذكـار

على روح الإجابة خذ / دقيقة صمت / ورشّ زهـور
طبيعـي موتهـا لكـن نصيحـة .. إنتبـه تحـتـار

أبيـك تهـدّي اعصابـك عشـان تطلّـع المسـتـور
تفضـل : " نـار بُعـدك ياحبيبـي نـار والله نـار "

واذا في / بو أصيل قصور , خذ / هيفا , وقل مشكور
" وقلبك تلج قلبي نـار .. ليلـك ليـل ليلـي نْهـار "

أغاني رااااااايقة من جـد .. يعنـي لا تلـف وتـدور
تبينا نغيّـر الموضـوع ؟ طيـب .. ناخـذ الأخبـار

وش اخبار الخيال اللـي بنالـي قصـور مـن بلّـور
عظيمـة فـي خيالاتـي ولـكـن بعـدهـا تنـهـار

وش اخبار العيون اللـي مطرهـا مـن سحابـة زور
تهـلّ شهـور .. والتنـور فـوق النـار .. ماينـدار

وش اخبار الوعود اللي نست معنـى / وعـد بلفـور
وش اخبار الوفا .. وينه ؟ متى يرجع مـن المشـوار

وش اخبارك مع التمثيـل والأفـلام وضبـط الـدور
حبيبي إنت في / لقطـة بـراءة .. تاخـذ / الأُسكـار

وش اخبار الظروف اللي تجي متواصلـة .. بالـدور
وش اخبار السهر بالليل .. ولاّ " الليل ابو الأسـرار "

وش اخبار الخفوق اللي خلِي شـوق وعديـم شعـور
سمعت انه إلين الحيـن مايـدري وش اللـي صـار

على فكرة .. بغيت انسى .. ترى صار الصبح ديجور
مساء النـور .. عـن إذنـك بقـوم آولّـع الأنـوار

وعلى طاري / مساء النور .. باح النور بااااح النـور
أنـا جاوبتهـا .. لكـن , أبتركنـي معـك تـذكـار

وااااااااااو

قصيدهـ ولاا ارووع حلووهـ مرهـ

والارووع ان منكـ

لاعدمتك حبيبتي

يعطيك ربي العافيه

الله يعافيك أميره ويسلمووووووووو ع المرور يا لغاليه,,

عافاك ربي خيتوو

قصيد ووعه