هذي القصيده لقريب لي حبيت اني اشارك فيها معكم
خسيتي نعنبو جدك خسيتي و الغلط ينعاب
خسيتي و اقلبي وجهك ولا كلمه ولا جابه
خسيتي و الزمن حدك ترها ضاعت الأداب
انا ليا طاشت جنوني يعرف الجاهل آدابه
وش المغزى من الكلمه بلا داعي بلا الأسباب
وهرج الكذب و التجريح قوليلي وش اسبابه
أنا الشرهه علي اني فتحت لخافقي كم باب
ولاكن مثل ما جيتي ترى كبر الجمل بابه
خذي نفسك معك برى ثم أنقلعي بدون إياب
فمان الله ولا أقول فمان إبليس و أصحابه
تحسبيني على فرقاك بندم و أغرق الأهداب
أنا مبصوط يومني طردت الشوم وغرابه
وأنا ماعاشر الخيان ولا سمع هرجت الكذاب
ومثلك قيمته عندي تحت الزيرو و حسابه
هذك اللي تحبينه حقير و خكري و لاعاب
عاجبك ان قذلته شقرى ويميل بالشعر كابه
صحيح انه زين و شكله للنسا جذاب
تشبه بخته فلانه و منه الدم متشابه
وانا مانيب حرف الجر تجريني على الإعراب
انا حرفٍ جزم نفسه و مثلي يصعب أعرابه
تشوم النفس عن زينك عقب ما طاح فيها ذباب
وانا حرٍ ولد حر تركت الزين و ذبابه
انا يابنت من ربعٍ لهم فوق الفخر محراب
أنا من روق يالخبله وربعي الهيلا عتيبه
نسينى ما كلا عمهوج وكم روسٍ بدون ارقاب
رزقك الله بحكم الي حفض عمهوج في جرابه
وانا شيخٍ ولد شيخ بذكره تنعم الأنساب
الى قام العرب كلٍ يراجع دفتر انسابه
ولد شيخ وصط ربعه له بين الرجال حساب
الى ضاقت به الأرياء يهز الأرض مشعابه
محنكني على الطيبه من يومني صغير و شاب
أجل وش رايك بطفلٍ دلال القهوه العابه
خلاص اليوم يفلانه كرهتك و القلوب اغراب
وترى كل طيرٍ بكبد السما يشبعه مخلابه
خساره مثلك بقلبي تضمه غرفة الأحباب
وخساره غلطة العاشق يحطك اول احبابه
وبعد هذا تبين ارجع لجل عينك نصير اصحاب
خسيتي و اقلبي و جهك ولا كلمه ولا جابه
اسف اذا طولت عليكم لا كن اعذروني اتمنى تنال اعجابكم
لو ان فيها من الكلمات البدويه الكثير
أخوكم ROMNSE
موضوع: خسيتي !!!!! 
الأربعاء سبتمبر 05, 2007 8:45 pm
